Testamenti i Enver Malokut

12.01.2018 19:19
Rreshtat+- AShkronjat+- Printo
Testamenti i Enver Malokut

Si bashkëpunëtor i ngushtë i Presidentit Ibrahim Rugova e drejtues i QIK-ut, me shkrimet e veta Enver Maloku afirmoi idenë për Kosovën shtet më vete, që u bë frymë e veprim duke fituar përkrahje të gjerë popullore, ndërsa ende gjallonin te ne rrymat komuniste jugosllave e marksist-leniniste shqiptare. Si vetë Rugova, udhëheqësi shpirtëror e politik i luftës për çlirim, demokraci e pavarësi të Kosovës, Enver Maloku ndoqi me ngulm rrugën pragmatike të pavarësimit dukë bërë për vete mendjen dhe zemrën e njeriut shqiptar të Kosovës, duke i mbjellë këtij besimin në projektin e vështirë të shtetndërtimit në kohën e okupimit të egër serb.

Mallkim për jetën e tij të shkurtër u bënë besimi, guximi dhe fuqia e tij e argumentit, e cila shqiptohet sidomos te shkrimet e vitit 1998, të kohës së polarizimeve të mëdha ideologjike e politike në vlugun e luftës së Kosovës, që gjenden të botuara te libri “Gjuha e stuhisë” (2002), me një parathënie timen. U vra në atenatin e dytë, në janar të vitit 1999, pasi që i kishte shpëtuar të parit, në korrik të vitit 1998. Në këta gjashtë muajt e fundit të jetës së tij, që ishin kronikë e vdekjes së tij të paralajmëruar, Enveri ka lënë testamentin e vet, i cili gjendet i ruajtur te “Gjuha e stuhisë”.. Kështu profetizoi ai vitin e lirisë 1999 në shkrimin e mbramë të vitit 1998 („Viti i luftës 1998 dhe viti i lirisë 1999“): „Nga viti i luftës 1998, të shpresojmë se po kalojmë në vitin e lirisë 1999. Të gjallët le të jenë të lumtur se janë gjallë, pavarësisht prej dhembjes, pikëllimit e trishtimit… Le të gëzojnë dhe festojnë të gjallët që i pret një vit shumë i vështirë, viti i luftës dhe i lirisë. Gëzuar Vitin e Ri 1999, Vitin e lirisë.”

Ata që e kishin prerë mendjen t’ia merrnin jetën e ta parandalonin lirinë e Kosovës e vranë me breshëri plumbash para syve të familjes së tij. Por profecia e tij u përmbush, siç përmbushet një profeci antike: pashmangshëm.

Enver Maloku ka lënë trashëgiminë e vet të shkrimtarisë politike, atë lloj shkrimi analitik, kritik, argumentues, sublimues dhe orientues që na mungon sot, por edhe punën e madhe që ka bërë institucioni që ka drejtuar ai, Qendra për Informim e Kosovës (QIK) – portali www.kosova.com – që është dedunksionalizuar.

Enver Maloku i mungon familjes së vet, miqve, Kosovës. Kujtimi më i mirë për të sot është kujdesi për trashëgiminë e tij, duke përfshirë ringritjen e QIK-ut, për ç’gjë kam bërë thirrje vitet e fundit. 

Muhamet Hamiti, profesor i letërsisë angleze në Universitetin e Prishtinës, ka qenë zëdhënës dhe këshilltar i Presidentit Ibrahim Rugova. Më vonë ambasadori i pare i Republikës së Kosovës në Londër. 

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Rruga juridike e Kosovës pas luftës çlirimtare

Rruga juridike e Kosovës pas luftës çlirimtare

Lodhja intelektuale

Lodhja intelektuale

Maqedonia ka nevojë për më shumë durim në rrugën drejt Europës

Maqedonia ka nevojë për më shumë durim në rrugën drejt Europës

Korrigjimi i statusit të Serbisë…

Korrigjimi i statusit të Serbisë…

Bashkohu në koalicionin për paqe

Bashkohu në koalicionin për paqe

Protesta që mbështeti ndryshimin e kufijve të Kosovës

Protesta që mbështeti ndryshimin e kufijve të Kosovës

Publikimi i listave të atyre që supozohen si VETERANË TË RREJSHËM, është turpi i radhës që kjo shoqëri e jona “po e han me bukë”!

Publikimi i listave të atyre që supozohen si VETERANË TË RREJSHËM, është turpi i radhës që kjo shoqëri e jona “po e han me bukë”!

Lotët e krokodilit vegjetarian, ose, mbrojtja është sulmi më i mirë

Lotët e krokodilit vegjetarian, ose, mbrojtja është sulmi më i mirë

Dalja nga politika e qorrsokakut

Dalja nga politika e qorrsokakut

Mos u gëzoni, teatri nuk ka shpëtuar nga shembja

Mos u gëzoni, teatri nuk ka shpëtuar nga shembja

Korrigjimi i kufirit dhe koordinimi i agjendave shtetrore në interes të çështjeve nacionale?

Korrigjimi i kufirit dhe koordinimi i agjendave shtetrore në interes të çështjeve nacionale?

Vuciqi paralajmeroi Status Quo

Vuciqi paralajmeroi Status Quo

Krimineli pas 20 viteve kthehet në vendin e krimit, me lëkurë qengji dhe veprime ujku!

Krimineli pas 20 viteve kthehet në vendin e krimit, me lëkurë qengji dhe veprime ujku!

Ndarja etnike nuk është zgjidhje për Ballkanin

Ndarja etnike nuk është zgjidhje për Ballkanin

Lista e veteranëve, krimi i thjeshtë i përsosur i radhës

Lista e veteranëve, krimi i thjeshtë i përsosur i radhës

Komandant, raporton Zëvendësministri!

Komandant, raporton Zëvendësministri!