Turistët nuk po ndalojnë së vizituari shpellën tajlandeze, ku për më se dy javë mbetën të bllokuar 12 nxënës dhe trajneri i tyre.

Hyrja e Tham Luang në Tajlandë vazhdon të jetë e mbyllur, por jo edhe hapësira përreth që është kthyer në atraksion turistik, transmeton Telegrafi.

Madje, burim i mirë i të ardhurave për banorët e zonës, që po shesin suvenire me motive të rajonit, bluza me mbishkrime, lule dhe tiketa lotarie.

Të gjithë ata që duan bëjnë ‘selfie’ përballë hyrjes së shpellës, duhet të lënë para si shenj simbolike, për zhytësin Saman Kunan, që humbi jetën derisa po përpiqej t’i shpëtonte të bllokuarit.

Lajmi për nxënësit u përhap në të gjithë botën, ndërsa zhytësit më të mirë nga Britania e Madhe dhe Australia, u nisën për të shpëtuar.

Ata kishin hyrë thellë në shpellë, në përpjekje t’i iknin rritjes së nivelit të ujit, por mbetën brenda për 17 ditë, ngaqë shumica nuk dinin as të notonin. /Telegrafi/