Me pasurinë që ka, princi Charles i Britanisë së Madhe, mund të blejë nga një xhaketë dhe këpucë për çdo ditë. Por, ai ende e veshë një xhaketën që e ka bleu para 50 vitesh, si dhe këpucët që e blera më 1971.
Nëpërmjet këtyre kursimeve, princi pretendon ta shpëtojë planetin, transmeton Telegrafi.
Megjithëse pranon se i arnon vazhdimisht dhe kujdeset për to, në mënyrë që t’i ketë në rregull.
Para pak kohësh, ishte përhapur lajmi se ai udhëton me një numër enorm rrobash dhe se merr me vete edhe ulësen u guaskës së tualetit.
“Çfarë marr me vete, lini këto gjepura”, është përgjigjur princi, kur është pyetur nëse ky lajm është i vërtetë.
Me këtë rast, lartmadhëria tij, ka thënë se kursen të gjitha gjërat që ka dhe nuk i hedhë, para se t’i gjejë ndonjë funksion tjetër.
“I urrej gjërat sintetike dhe të gjitha dua t’i kem nga leshi apo pambuku. Por, këto janë resurse natyre dhe do të shpenzohen një ditë, andaj duhet të shfrytëzohen në maksimum para se të hidhen”, ka përfunduar Charles.
Nuk është bërë e ditura se cilat këpucë të tij i mbijetuan kohës, apo çfarë gjendja ka xhaketa e vjetër gjysmë shekulli, por dihet se ky pjesëtar i familjes mbretërore është gjithnjë elegant dhe vishet me stil. /Telegrafi/
