Shkrirja e akullit në malet e Norvegjisë, ka nxjerrë më se 2,000 artefakte të ruajtur në mënyrë të përkryer, disa prej të cilave që janë përdorur 4,000 vjet Para Erës Sonë.
Gjetjet e mahnitshme janë bërë nga ‘arkeologët e akullnajave’ në Jotunheimen dhe zonën që e rrethon Oppland, ku ndodhet edhe maja më e lartë e Norvegjisë, transmeton Telegrafi.
Kërkimi nëpër sipërfaqet e akujve që shkriheshin, ka mundësuar zbulimin e shumë gjërave të vjetra nga druri, tekstili, gëzofi dhe punime nga materialet organike.
Skia e vjetër 1,300 vjet
Përfshirë një ski që ka ende mekanizmin lidhës, të vjetër 1,300 vjet – e dyta në botë që gjendet në formë kaq të mirë – si dhe një këpucë nga Epoka e Bronzit.
Fanella që i përket vitit 300 Pas Erës Sonë
Analizat statistikore të studimeve me radio karbon, kanë treguar se këto objekte i përkasin periudhave të ndryshme kohore. Numri më i madh i tyre, nga shekulli VIII dhe X Pas Erës Sonë.
Shigjeta nga viti 800 Pas Erës Sonë
Me anë të këtyre gjetjeve, pritet të hidhet më shumë dritë mbi rritjen e popullsisë, lëvizshmërinë, përfshirë udhët malore, si dhe lulëzimin e tregtisë para dhe gjatë kësaj kohe.
Shënimi me alfabetin latin në gjuhën gjermane, në shkopin që i përket shekullit XI
Hulumtuesit besojnë se kjo është si pasojë e rritjes së kufirit ekologjik të vendbanimeve në tërë Evropën. /Telegrafi/
