CNN për bashkëjetesën fetare: Shqipëria, vendi musliman që e do Amerikën!

31.03.2016 11:34
Rreshtat+- AShkronjat+- Printo
CNN për bashkëjetesën fetare: Shqipëria, vendi musliman që e do Amerikën!

Harmonia fetare në Shqipëri dhe dashuria e një vendi me shumicë muslimane për Amerikën kanë qenë në fokus të një shkrimi të bërë nga CNN.

Korrespondentja e CNN e nis në këtë mënyrë shkrimin e saj; “Në këto kohë të dëshpëruara, kur terroristët islamikë vrasin fëmijët e krishterë dhe nënat e tyre të dielën e Pashkëve në Lahore, në Pakistan; kur një kandidat amerikan për president kërkon të ndalë muslimanët që hyjnë në Amerikë; kur terroristët në Bruksel kanë vrarë me dhjetëra vetë; kur mundësia e bashkëjetesës fetare duket e pamundur, ekziston një vend që mund të rikthejë besimin tek e ardhmja: Mirë se vini në Shqipëri!

Vendi ballkanik me shumicë muslimane, në një zonë që shpesh ishte sinonim i trazirave politike, është një model i bashkëjetesës ndërfetare. Dhe është njëkohësisht një nga vendet më pro-amerikane në botë. Po si ndodhi kjo? Përgjigja mbart në vetvete disa leksione të rëndësishme për Shtetet e Bashkuara. Nëse ecën rrugëve të Tiranës dhe pyet njerëzit se çfarë mendojnë për Shtetet e Bashkuara, do të marrësh thuajse të njëjtat përgjigje; admirim, respekt dhe mirënjohje.

Pak a shumë të njëjta janë edhe përgjigjet për zgjedhjet presidenciale.

Shqiptarët thonë se nuk po e ndjekin garën me shumë vëmëndje, por reagojnë menjëherë kur dëgjojnë fjalën “Tramp”. Duke qeshur, duke tundur kokën apo duke rrudhur buzët. Nuk kanë dëgjuar shumë për Ted Kruz, dhe duken entuziastë për Hillari Klinton. Por kur vjen puna tek Tramp, reagimi është mosbesim, habi dhe refuzim.

“Ai më duket pak i çmendur, por i zgjuar” thotë Aurora Xhixha, një biologe. “Egoist” e përshkroi Endri Hasanaj.

Për thirrjen e Tramp që muslimanët të mos i kalojnë kufijtë e SHBA, Adelina Bego, një doktoreshë, më tha: “Këtu në Shqipëri ne jetojmë së bashku pa i vënë re ndryshimet fetare. Tek Amerika kemi parë gjithmonë një shembull për t’u ndjekur. Propozimi i Tramp, do ta shkatërrojë këtë shembull”.

Në shkrimin e CNN për Shqipërinë trajtohet dhe ndihma që Shtetet e Bashkuara të Amerikës kanë dhënë për vendin tonë në më shumë se 100 vjet histori.

Duke nisur nga Udrou Uillson, statujën e të cilit e gjen në një shesh të vogël në Tiranë që mban të njëjtin emër. Paralelisht përshkruhen dhe pritjet prej “rockstar” që iu janë bërë sekretarëve të shtetit nga Xhejms Bejker tek Xhon Keri.

“Marrëdhëniet e ngushta me Shqipërinë, nuk e kanë penguar Amerikën të flasë hapur për problemet e këtij vendi, përfshirë edhe korrupsionin e thellë. Por qëndrimi kohërent i amerikanëve, që jo vetëm kanë folur, por edhe kanë vepruar, i ka dhënë autoritetin e duhur moral mes njerëzve” shkruan në opinionin e saj gazetarja e CNN.

“Besoj se është e qartë, që rrënjët e dashurisë së shqiptarëve për Shtetet e Bashkuara, është integriteti me të cilin ka vepruar Amerika përkundrejt Shqipërisë dhe shqiptarëve, duke i dalë në krah, duke mbrojtur standartet demokratike që ka vetë, dhe duke mos u penduar se i ndihmoi të rifitojnë lirinë.

Në një fushatë zgjedhore ku flitet për frikë dhe sesi të mendojmë për veten, ky është një mësim që ia vlen të kujtohet” e mbyll shkrimin e saj Frida Gitis.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Një person në Graqanicë nuk respekton masën e vet-izolimit

Një person në Graqanicë nuk respekton masën e vet-izolimit

Të shtëna me armë zjarri në Podujevë

Të shtëna me armë zjarri në Podujevë

Policia e Kosovës ka arrestuar një person nën dyshimin se rekrutoi, strehoi dhe i shfrytëzoi për punë të detyruar shtatë (7) viktima

Policia e Kosovës ka arrestuar një person nën dyshimin se rekrutoi, strehoi dhe i shfrytëzoi për punë të detyruar shtatë (7) viktima

Ceca nervozohet me Dua Lipën: Vogëlushe, ulu njëherë!

Ceca nervozohet me Dua Lipën: Vogëlushe, ulu njëherë!

SHBA-ja i ka kërkuar Kinës që të mbyllë konsullatën në Hjuston

SHBA-ja i ka kërkuar Kinës që të mbyllë konsullatën në Hjuston

Mali i Zi sërish shpall epideminë e koronavirusit

Mali i Zi sërish shpall epideminë e koronavirusit

Thaçi: Vazhdojmë t’i besojmë drejtësisë ndërkombëtare

Thaçi: Vazhdojmë t’i besojmë drejtësisë ndërkombëtare

Hoxhaj: 10 vjet më parë, u legjitimua vullneti i popullit për pavarësi

Hoxhaj: 10 vjet më parë, u legjitimua vullneti i popullit për pavarësi

Bislimi: Paratë e Pakos Emergjente nuk mund të përdoren për kontestet ligjore të Telekomit të Kosovës

Bislimi: Paratë e Pakos Emergjente nuk mund të përdoren për kontestet ligjore të Telekomit të Kosovës

84 qytetarë të Gjilanit në pritje të rezultateve për COVID-19

84 qytetarë të Gjilanit në pritje të rezultateve për COVID-19

Pejë, 6 pacientë me COVID-19 në gjendje të rëndë

Pejë, 6 pacientë me COVID-19 në gjendje të rëndë

Post, aviatori që bëri fluturimin e parë i vetëm rreth botës

Post, aviatori që bëri fluturimin e parë i vetëm rreth botës

Protestë kundër ndërtimit të Xhamisë së Madhe

Protestë kundër ndërtimit të Xhamisë së Madhe

Cramon: Kosova duhet ta marrë përgjegjësinë për krimet që përmenden në raportin e Martyt

Cramon: Kosova duhet ta marrë përgjegjësinë për krimet që përmenden në raportin e Martyt

Jep dorëheqjen Bordi i Telekomit

Jep dorëheqjen Bordi i Telekomit

Zeka: Nëse Thaçi nuk do të përgjigjej në pyetjet e Prokurorisë Speciale, do të arrestohej

Zeka: Nëse Thaçi nuk do të përgjigjej në pyetjet e Prokurorisë Speciale, do të arrestohej