Sulmet ajrore të Francës dhe vendeve të tjera kundër caqeve të Shtetit Islamik (IS) në Raka të Sirisë, qysh të dielën, kanë vrarë së paku 33 militantë.
Vëzhguesi Sirian i të Drejtave të Njeriut ka thënë se shumica e tyre kanë vdekur kur janë goditur postblloqet në qytet.
Burimi i njëjtë po ashtu njofton se familjet e udhëheqësve të Shtetit Islamik kanë nisur të ikin nga Raka në drejtim të Mosulit në Irak.
Një agjenci e lajmeve, e lidhur me Shtetin Islamik, nuk ka raportuar për viktima nga sulmet ajrore.
Agjencia Amaq ka thënë se avionët francezë kanë goditur “lokacione të zbrazëta”.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
