Rrjeti social, ‘Twitter’ është duke u përballur me zemërimin e shumë rusëve pasi ka mbyllur një mori profilesh që tallen me zyrtarë të politikës ruse.
Shumë prej atyre që kanë përcjellë postimet e këtyre profileve tashmë të mbyllura po e akuzojnë ‘Twitter’ se është duke iu nënshtruar presionit të Kremlinit dhe aleatëve të tij.
Në mesin e profileve të mbyllura është edhe një nga llogaritë më të pëlqyera nga kritikët e Moskës zyrtare, @DarthPutinKGB.
Ky profil është tallur me Presidentin rus, Vladimir Putin.
Ende nuk janë të qarta arsyet dhe as koha e saktë e pezullimit të këtyre profileve.
Zëdhënësi i Twitter, Ian Plunkett, përmes postes elektronike i ka thënë sot Radios Evropa e Lirë se ata “nuk i komentojnë profilet individuale për arsye privatësie dhe sigurie”.
