Turqia është duke hapur një konsullatë të përgjithshme në Kosovë në qytetin historik të Prizrenit, që për Konsull të Përgjithshëm të ketë Selcen Evcit i cili do të nis punën të martën.
Me hapjen e konsullatës së përgjithshme në Prizren, që pritet të ndodh të martën, Turqia do të jetë vendi i parë që hap një përfaqësues shtesë konsullor në Kosovë. Turqia ka të hapur një edhe ambasadë në Prishtinë, por me misionin e saj të dytë në vend, ky vend ka për synim të shtojë edhe më tutje marrëdhëniet e afërta në mes të dy kombeve, shkruan “Daily Sabah”.
Turqia këtë konsullatë të përgjithshme do ta hapë në qytetin e dytë më të madh të Kosovës, Prizren, vend në të cilin jeton një numër i madh i pakicës turke.
Konsulli i ri i përgjithshëm i Turqisë në Prizren, Selcen Evcit, tha se ndjehet krenare për pozitën që do ta mbajë.
“Do të kryejmë të gjitha detyrat që janë kryer më parë në Ambasadën në Prishtinë, siç është shtetësia dhe çështjet ushtarake”, ka thënë ajo, transmeton Koha.net.
Kur Kosova shpalli pavarësinë nga Serbia më 2008, Turqia ishte ndër vendet e para që njohu sovranitetin e saj. Turqia e ktheu zyrën e saj ndërlidhëse në Prishtinë në Ambasadë pas një vendimi të kabinetit qeveritar për të hapur mision në Kosovë, transmeton Koha.net. Vendimi erdhi në pajtim me parimet e reciprocitetit të zakonshme në marrëdhëniet diplomatike, kur Kosova bëri me dije se do planifikon të hap misionin e saj të parë të jashtëm në Ankara. /infosot/
