Tottenham Hotspur ka dërguar skautët e tyre për t’i shikuar dy ndeshje të Serie A këtë fundjavë, pasi subjekt i tyre janë katër lojtarë.
Klubi londinez ka shkruar veten në histori pasi nuk ka transferuar asnjë futbollistë në afatin e fundit kalimtar veror dhe atë të janarit.
Megjithatë, në afatin e ardhshëm të verës, drejtuesit e Tottenhamit janë të interesuar të investojnë në skuadër.
Sipas mediumit Tuttomercatoweb, Spurs janë gati të ‘blejnë’ në tregun italian për t’ia forcuar skuadrës Mauricio Pochettinos.
Kështu, drejtuesit e klubit anglez dërguar skautët e tyre në këtë fundjavë në Serie A për t’i ndjekur dy ndeshje, pasi janë duke monitoruar katër lojtarë.
Ndeshja e parë ishte ajo në mes të Milanit dhe Atalantas, ndërsa ndeshja tjetër ajo e Interit me Sampdorian.
Në ndeshjen e parë drejtuesit e londinezëve monitoruan dyshen e Milanit, Suso dhe Franck Kessie, të cilët pëlqehen shumë.
Në anën tjetër, në takimin e dytë subjekt i tyre ishte Ivan Perisic i Interit dhe mbrojtësi i Sampdorias, Joachim Anderson. /Telegrafi/
Joachim Andersen (Foto: Marc Atkins/Getty Images/Guliver)
