Zëvendëskryeministri i parë dhe njëherit Ministri i Punëve të Jashtme, Hashim Thaçi, ka shkruar në llogarinë e tij në Facebook në lidhje me përkrahjen që po merr Kosova për t’u pranuar në UNESCO.
Kryediplomati kosovar ka shkruar se numri i shteteve përkrahëse po rritet dhe së fundi është Zvicra ajo që iu bashkua shteteve pro Kosovës për anëtarësim në organizatën kulturore të OKB-së.
“Sapo u informova që, pas Principatës së Monakos, edhe Zvicra iu bashkua Republikës së Kosovës në përpjekjen e saj për t’u anëtarësuar në UNESCO. Me shtetin helvetik tani kemi 48 vende që mbështesin kërkesën që çështja e anëtarësimit të Kosovës të shqyrtohet nga Bordi Ekzekutiv në tetor,” ka shkruar Thaçi në Facebook, njofton Klan Kosova.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
