Konfirmimin e ka ba kryetari i Bujanovcit Nagip Arifi në nji lidhje direkte në edicionin qendror të lajmeve në Televizionin Rrokum.
Arifi tha se për këtë qëllim janë mbajtë gjithsej katër takime.
Takimi i fundit u mbajt të Hanen dhe aty u vendos me u thirrë seanca e kuvendeve të keshilltarëve shqiptarë, – tha Arifi.
Ai shtoi, ora 11:00 e ditës së Shtunë, u caktue për mbajtjen e seances së përbashkët të shqiptarëve të Luginës së Preshevës.
Kjo seancë ka me u mbajtë në sallën e Kuvendit Komunal të Preshevës, – tha Arifi, tu’ shtue se aty janë të thirrun të gjithë këshilltarët shqiptarë të komunave Bujanovc, Preshevë e Medvegjë.
Në këtë seancë ka me u bisedue rreth formimit te Asociacionit te Komunave me shumicë Shqiptare në Serbi, konform platformës politike te vitit 2006, të cilën e kane aprovue kuvendarët shqiptarë.
E sa i takon mbështetjes që kjo ide mundet me pasë nga faktorët politikë shqiptarë në Ballkan, Arifi tha se kanë pasë kontakte të shumta në Kosovë, Maqedoni e Shqipni.
“Jemi konsultue me shumë përfaqësues të subjekteve politike shqiptare, si në Maqedoni, Kosovë e në Shqipni, dhe dita e Shtune ka me qenë nji ditë shumë e randsishme për shqiptarët e Luginës së Preshevës”, tha Arifi për lajmet qendrore të Televizionit Rrokum.
