I nisur që nga ora 20:30, takimi i minatorëve dhe sindikatës së Trepçës me disa deputetë të VV-së ende po vazhdon.
U raportua më herët se Armend Muja, Arjeta Fejza, Halil Thaçi dhe disa zyrtarë të tjerë të VV-së kanë filluar një takim me sindikatën dhe minatorë të Trepçës.
Që nga ajo kohë takimi është ende duke u mbajtur. Dyert e takimit kanë qenë të mbyllura për media, mirëpo në disa momente dëgjoheshin debate të ashpra me tone të ngritura.
Mësohet se deputetët e VV-së kanë kërkuar që të ndërpritet greva kurse sindikata ka vendosur që ajo të ndalet vetëm kur të shkarkohet kryeshefi Enis Abdurrahmani./lajmi.net