Asociacioni/Bashkësia e komunave serbe, apo entiteti legal për të cilin u pajtuan të dy qeveritë, është një autonomi territoriale e serbëve të Kosovës, shkruan Veton Surroi në analizën e tij të marrëveshjes së arritur të martën, në Bruksel, mes Isa Mustafës dhe Aleksandër Vuçiqit.
Në analizën me vazhdime, që nis botimin të enjten, në Koha Ditore, Surroi thotë se “entiteti legal për të cilin u pajtuan të dy qeveritë në Bruksel natyrisht që nuk është një organizatë joqeveritare”.
“Entiteti legal për të cilin u pajtuan të dy qeveritë është një autonomi territoriale e serbëve të Kosovës. Në të, interesat e serbëve të Kosovës marrin formën territoriale, apo siç thuhet në Marrëveshje ASK do të ‘promovojë interesat e serbëve karshi autoriteteve qendrore’”, shkruan Surroi në analizën që botohet të enjten, në Koha Ditore.
