Njohësi i çështjeve të sigurisë, Kadri Kastrati ka vlerësuar se situata e sigurisë në Kosovë nuk është e mirë.
Në një intervistë për “Epokën e re”, ai ka vlerësuar se janë tepër shqetësuese sulmet me bomba ndaj institucioneve dhe drejtuesve të tyre.
Kastrati ka kërkuar nga institucionet që janë përgjegjëse për rend dhe ligj të marrin masa për t’i parandaluar të këqijat që mund të ndodhin në vendin tonë.
Kastrati ka folur edhe për protestën e së enjtes, për të cilën ka thënë se ka rrezik të eskalojë në dhunë.
Por, ai është shprehur i bindur se institucionet e sigurisë janë të përgatitura për ta mbrojtur rendin dhe institucionet.
Në këtë intervistë Kastrati ka folur edhe për transformimin e FSK-së në Forca të Armatosura.
Ai ka thënë se Qeveria duhet të marrë seriozisht transformimin e FSK-së, meqë krijimi i Forcave të Armatosura do ta rriste jashtëzakonisht shumë situatën e sigurisë.
