Shoqata e Naftarëve ka dërguar një komunikatë për media ku ankohet se shteti i Shqipërisë është duke i gjobitur transportuesit kosovarë pasi kanë në rezervuar të maunave 200 litra naftë dhe po e konsiderojnë si kontrabandë
“Një vendim i Ministrit të Financave të Republikës së Shqipërisë, Shkëlqim Cani, i datës 12.05. 2015, lidhur me kufizimin e sasisë së karburantit që gjendet në serbatorët (rezervuarët) e makinave transportuese, gati se e ka pamundësuar tregtinë në mes të Kosovës dhe Shqipërisë. Tregtarët kosovarë (shoferët e makinave transportuese) po penalizohen me gjoba të rënda për shkak se në serbatorët (rezervuarët) e derivateve po mbajnë më shumë se 200 litra karburant”, thuhet në komunikatën për media.
Shoqata e baftëravë e ka konsideruar si absurd këtë vendim të shtetit shqiptar, duke e konsideruar se mbushja e me më shumë se 200 litra, kjo për Doganën Shqiptare përbën kontrabandë.
“Duke qenë se serbatorët (rezervuarët) e transportueseve të mallrave të ndryshme si maunet e mallrave dhe autobotët e derivateve, kanë serbatorë (rezervuarë) që furnizohen me më shumë se 200 litra, kjo për Doganën Shqiptare përbën kontrabandë (…)
Kjo logjikë është në kundërshtim me të gjitha udhëzimet e Marrëveshjes së Tregtisë së Lirë , si dhe me parimet dhe metodologjinë e Organizatës Botërore të Tregtisë (Ëorld Trade Organization -ËTO).
Në kohën kur tregu kosovar ka zënë të konsolidohet mirë me mallrat që importon nga Shqipëria, ky vendim i Ministrit Shkëlqim Cami seriozisht e ka rrezikuar importin e Kosovës nga Shqipëria”.
