Kthimi i Aleksandar Jabllanovicit në krye të Listës Serbe ka tronditur dhe habitur shumicën e komunitetit serb që jetojnë në Kosovë.
Pa konsultim dhe marrëveshje me pjesën tjetër të Listës Serbe, Jabllanovic, një ish-sekretar shtetëror në Ministrinë serbe të Punës, ka nënshkruar se do të bëhet kryetar i kësaj partie, post i mbajtur deri tash nga Slavko Simic.
“Ky ishte plotësisht një vendim i njëanshëm i Jabllanovicit dhe se ajo çka është me e keqja është se ne e kemi kuptuar këtë nga mediat” thonë disa burime të gazetës serbe ‘Blic’ nga Lista Serbe, përcjell gazetametro.net
Anëtarët e grupeve politike në Kosovë, të cilët janë pjesë e Kuvendit të Kosovës janë frikësuar se Jabllanovic këtë lëvizje e ka bërë papritur dhe se ka bërë një marrëveshje me autoritetet e Prishtinës.
Përndryshe, Jabllanovic ishte kreu i Listës Serbe deri në tetor 2015, kur ai u shkarkua, pas protestave të shumta që u mbajtë kundër tij në Kosovë.
