Ish-aktivisti i Lëvizjes Vetëvendosje, Rron Gjonovci, përmes një postimi të tij në Facebook, thotë se diskursi i ashpër i ditëve të fundit i kësaj lëvizjeje, bëhet nga ata që nuk janë ngritur intelektualisht e që e shohin veten të kërcënuar nga fryma e FER-it në parti. Postimin e tij mund ta lexoni të plotë më poshtë.
“Terrorizmi i VV që po ia bënë publikut nuk ka lidhje me Asociacionin, ka lidhje me luftën e brendshme për pushtet në VV.
Mbas bashkimit të FER e me të – rritjes së përkrahjes urbane, pjesa e aktivistëve të dhunshëm të cilët nuk janë ngritë intelektualisht tash e sa vjet por i kanë mbetë besnikë Albinit, janë mundu vazhdimisht me shty përpara stilin e tyne të dhunshëm duke u thirrë në mosndryshimin e parimeve. Duke qenë besnikë ndaj Albinit ata kanë qenë të përkëdhelun dhe të pacënum në aktivitetet e dhunshme të tyne.
Tash që fryma liberale është rritë kaq shumë sa VV sot deklarohet socialdemokrate ose aq sa me mendu për koalicionin VLAN, krahu i dhunës duke u mundu me forcu praninë e vet e ka pru VV në gjendjen e një subjekti të dëshpërum i cili po rrëshqet në terrorizëm.
Kto thirrjet epike, alarmet deri diku skizofrenike, paraqitjet e Albinit sikur me kenë Kosova n’gjendje lufte, janë krejt indikatorë të luftës së mrenshme të heshtun për pushtet dhe aspak nuk e reflektojnë ndonjë NDRYSHIM DRASTIK të gjendjes në Kosovë.*
*gjendja në Kosovë është e tmerrshme tash e 15 vjet dhe kërkon ndërhyrje serioze e të sinqertë qytetare” (sic.), ka shkruar ai. /Telegrafi/
