ROSU ia mësyjnë Veriut?

E publikuar: 31/03/2015 17:15
Rreshtat+- AShkronjat+- Printo

Njësitë elite të Policisë së Kosovës ROSU bashkë me EULEX-in dhe zyrtarë tjerë ligjorë do t’ia mësyjnë të mërkurën Zupqit në Zubin Potok, në vendin ku në vitin 2011 u vra polici Enver Zymberi.
Gazeta Fjala mëson se në këtë vend të gjitha njësitë do të rikonstruojnë ngjarjen e vrasjes së policit të ndjerë.

Këtë e ka konfirmuar për Gazetën Fjala edhe Astrit Kolaj nga Prokuroria e Shtetit. Ai nuk ka dhënë shumë detaje për këtë ngjarje.

Enver Zymberi, u vra më 26 korrik 2011 kur konvoji me të cilin udhëtonte ai, u sulmua rrugës për në pikën kufitare Porta 31.