Rezultatet e afatit të dytë të Testit të Maturës Shtetërore do të shpallen më 9 shtator. Këtë e konfirmoi për KALLXO.com. Azem Guri, kryetar i Komisionit Qendror Shtetëror të Maturës.
“E paraparë ka qenë që rezultatet të dalin më 15 shtator, por pasi universitetet tashmë kanë hapur konkursin për pranimin e studentëve. I kemi rritur kapacitetet dhe rezultatet do të shpallen më 9 shtator”.
Sipas Gurit, leximi i rezultateve të pjesës së parë të testit ka përfunduar, ndërsa ka mbetur edhe leximi për pjesën e dytë, për të cilën është punuar edhe të dielën. Po ashtu afati për ankesa do të jetë i hapur 3 ditë pas shpalljes së rezultateve.
Në afatin e dytë, testi është mbajtur në datat 29 gusht dhe 5 shtator.
Ndërkohë hapja e mëhershme e konkursit për studentët e rinj është bërë në mënyrë që gjithçka të jetë gati për fillimin e vitit të ri akademik me 1 tetor.
