Sindikata e punëtoreve të RTK-së ,është njoftuar nga disa kolegë se atyre po iu ndalen te ardhurat financiare në formë kontributi për anëtarësinë ne Sindikatë (SPRTK), pa qenë fare anëtarë të kësaj sindikate, thuhet në reagim.
Më poshtë mund të lexoni reagimin.
Të ardhurat e tyre financiare në formë kontributi atyre u janë marrë me automatizëm, duke shkelur të gjitha rregullat dhe dispozitat ligjore në fuqi dhe duke ua zhvatur atyre buxhetin pa dijeninë e tyre. Te njëjtit persona janë ankuar në SPERTK, se po ndihen të mashtruar dhe sepse mjetet e tyre u janë ndalur pa dijeninë dhe miratimin e tyre.
Kërkojmë urgjentisht që kjo ngjarje të hetohet nga organet e rendit, pasi që konsiderohet manipulim me kolegët tanë në RTK, dhe keqpërdorim i parasë së tyre. Ne si sindikatë kësaj radhe nuk po i bëjmë emrat publik, për hir të kolegëve të cilët janë ankuar.
SPERTK, kërkon nga te gjithë kolegët tanë të deklarohen edhe një herë rreth anëtarësisë së tyre, për shkak që në të ardhmen mos të ketë manipulime.
SPERTK, edhe njëherë i bën thirrje organeve përgjegjëse për hetimin e keqpërdorimeve të mundshme në lidhje me këtë buxhet te grumbulluar ne kundërshtim me ligjin, për te cilin janë ankuar vetë kolegët tanë.
Për me shumë shih ligjin për organizime sindikale.
Neni 9 Anëtarësimi në sindikatë
1.Anëtar i sindikatës mund të jetë çdo i punësuar që sipas ligjit në fuqi ka plotësuar moshën e punësimit, përveç punëdhënësit.
2. Anëtarësimi në sindikatë bëhet sipas vullnetit të lirë të të punësuarit. 4 3. Gjatë aplikimit për anëtarësim duhet të jepet deklarata me shkrim, si dhe të plotësohet formulari i cili duhet të këtë emrin dhe mbiemrin, gjininë, ditëlindjen, vendbanimin, adresën, profesionin, vendin e punës dhe nënshkrimin e anëtarit.
