Kryetari i Aleancës për Ardhmërinë e Kosovës, Ramush Haradinaj, që nga java e ardhshme fillon serinë e takimeve me qytetarë, për të bashkëbiseduar për zhvillimet e fundit në vend.
Kjo u bë e ditur përmes një njoftimi për media, në të cilin thuhet se në serinë e këtyre takime, i pari do të realizohet këtë të martë, me 6 shtator, në ora 17, në Kaçanik.
Sipas tyre, këto takime do të zhvillohen me kërkesë të anëtarëve të AAK-së dhe qytetarëve apartiakë.
“Qytetarët duhet të jenë pjesë aktive e vendimmarrjes në vend, dhe këto takime, ndër të tjera, e kanë edhe këtë qëllim, se si të krijohet kjo frymë”, thuhet më tej në njoftim të AAK-së.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
