Zyrtarë amerikanë dhe iranianë kanë thënë se presidenti i Shteteve të Bashkuara, Barack Obama, dhe ministri i Jashtëm i Iranit, Mohammad Javad Zarif, kanë shtrënguar duart në margjina të Asamblesë së Përgjithshme të Kombeve të Bashkuara në Nju Jork.
Ky ka qenë shtrëngimi i parë i duarve midis një presidenti të SHBA-së dhe një diplomati të lartë iranian që nga Revolucioni Islamik i Iranit më 1979.
“Nuk ka qenë asgjë e planifikuar, ata kanë përshëndetur njëri-tjetrin dhe ka zgjatur për disa sekonda”, ka thënë një zyrtar iranian për agjencinë Reuters.
Shtrëngimi i duarve midis Obamës dhe Zarifit është konfirmuar edhe nga një zyrtar i Shtëpisë së Bardhë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
