Nëse pas 1 janarit të vitit të ardhshëm do të mbani fëmijë të ulur në ulësen e parë të makinës, do të gjobiteni.
Policia Rrugore shqiptare do të nisë një fushatë informuese për qytetarët për këtë ndryshim në Kodin Rrugor që është bërë në periudhën mars-prill.
Ndryshimet ligjore do të hyjnë në fuqi më 1 janar të vitit 2016 dhe çdo kundërvajtës do të gjobitet nga 1 mijë lekë deri në pesë mijë lekë si dhe heqje të lejes së drejtimit për 6 muaj deri në një vit, raporton “Shqiptarja”.
Kodi i ri Rrugor përcakton që fëmijët deri në 12 vjeç duhet të jenë të ulur në ulëset e pasme të automjetit, ndërsa për fëmijë të moshës më të vogël është e detyrueshme edhe ulëse e veçantë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
