Ditëve të fundit shumë lagje të Prishtinës, por edhe zona të Kosovës janë përballur me ndalesa të shumta të energjisë elektrike. Lidhur me këto ndalesa KEDS ka thënë që janë ndalesa të planifikuara ngase po bëhen investime në rrjet.
“Janë duke u bërë investime dhe është duke bërë revizionimi i plotë të Tensionit të Mesëm të Rrjetit Distributiv. Po shqyrtohen një nga një të gjithë largpërcuesit dhe po intervenohet në secilin ku paraqitet e nevojshme. Kjo po bëhet që konsumatorët të kenë shërbime sa më kualitative dhe faktorët ekstern, sidomos ata atmosferikë të kenë sa më pak ndikim në furnizimin me energji elektrike”, ka bërë të ditur KEDS, në një komunikatë për media, duke shtuar se gjatë këtij përforcimi të rrjetit, që do të bëhet gjatë tërë muajit gusht, do të ketë ndërprerje disaorëshe në largpërçuesin specific ku intervenohet.
KEDS për këtë ka krkuar mirëkuptimin e konsumatorëve. “Pra, kjo duhet të merret si investim që e përmirëson shërbimin dhe bëhet për të mirën e të gjithëve e assesi si reduktim. Ndalja e energjisë aty ku intervenohet është e domosdoshme për shkaqë të sigurisë”.
KEDS është duke njoftuar në detaje për cdo intervenim në baza ditore dhe do të vazhdojë ta bëjë këtë deri në detajet e fundit.
Revizionimi i Rrjetit është process i rregullt vjetor të cilin e bën KEDS dhe kjo ka patur si efekt uljen e numrit të prishjeve nga faktorët ekstern. Pra, është masë preventive ku shqyrtohet në detaje ndryshimi I gjendjes së rrjetit për një vit dhe intervenohet menjëherë që secili devijim të evitohet. “Ky proces, paralelisht me zvogëlimin e ndalesave të paplanifikuara, ka ulur edhe humbjet, çka ka bërë që beneficionet për kosumatorë të jenë të shumanshme”.
KEDS, paralel me revizionimin, po vazhdon edhe me qindra projekte anë e kënd vendit për zgjerim dhe përforcim të rrjetit. E gjithë kjo po bëhet në kuadër të masterplanit të investmeve për periudhën dhjetë vjecare që parasheh kalimin e rrjetit në standardet më të larta.
