Mjekët duan pagë 1500 € që mos të punojnë në sektorin privat

14.03.2015 14:49
Rreshtat+- AShkronjat+- Printo
Mjekët duan pagë 1500 € që mos të punojnë në sektorin privat

Paga e mjekut specialist është rreth 600 euro në muaj, derisa infermieri për punën që kryen, paguhet rreth 300 euro në muaj.
Me gjendjen aktuale financiare nuk është e kënaqur kjo kategori e shoqërisë. Andaj shumë mjekë punojnë edhe në sektorin privat.

Federata Sindikale e Shëndetësisë është duke e zhvilluar një anketë, ku del se një mjek specialist ka kërkuar ta ketë pagën e një deputeti, në mënyrë që të punojë vetëm në sektorin publik.

Ndryshe, 120 deputetë të Kuvendit të Republikës se Kosovës, marrin pagë mujore mbi 1500 euro në muaj, derisa gëzojnë edhe të drejta shtesë materiale për çdo aktivitet të tyre.

Pagat mujore në Kosovë për shtresat tjera të popullsisë sillen nga 130 deri në mbi 400 euro.

Blerim Syla, kryetar i Federatës Sindikale të Shëndetësisë, thotë se shëndetësia duhet të jetë prioritet i Qeverisë, duke e marrë parasysh rëndësinë e saj, raporton Radio Evropa e Lirë.

“E kemi bërë një anketë preliminare dhe mjekët kanë qenë shumë modest, derisa kanë kërkuar 1500 euro, në mënyrë që të mos punojnë në sektorin privat. Por, nuk e di sa janë qeveritarët të vetëdijshëm që sektori i shëndetësisë, arsimit dhe ai i sigurisë duhet të paguhen veçmas sektorëve të tjerë…”.

“Ne e dimë situatën ekonomike në vend, por është bazike që pagat e mjekëve specialistë duhet të arrijnë pagën e një deputeti dhe do të mbyllet përgjithmonë kapitulli mes sektorit privat dhe publik. Përfundimisht, mjekët nuk kanë kërkuar nga 4 mijë euro, por nivelizimin – që të kenë pagën e një deputeti, ndonëse shumë deputetë marrin pagë edhe pse janë të pashkolluar”, thotë Syla.

Në sektorin e shëndetësisë nuk ka nivelizim të pagave. Mjekët, qofshin ata specialistë ose jo, punojnë në shërbimin primar, sekondar apo terciar, paguhen me të njëjtën pagë. Në lidhje me këtë Syla thotë:

“Zgjidhja më e mirë do të ishte të bëhet nivelizimi i pagave në bazë të shkollimit që e kanë. Atëherë, mjekët do të zgjedhin mes sektorit privat dhe publik. Kosova është një rast unik pasi që paga është lineare dhe nuk ka nivelizim pagash”.

Ndryshe, si rezultat i pagave të ulëta dhe sistemit jo të mirë shëndetësor, vetëm për tre vjet nga Kosova në vendet e Bashkimit Evropian kanë ikur rreth 400 mjekë.

Ilir Hoxha, këshilltar për projektin që po implementohet në bashkëpunim me Federatën Sindikale të Shëndetësisë, thotë se kanë për qëllim përkrahjen e reformës shëndetësore, si dhe afrimin e informatave për sistemin shëndetësorë te politikë-bërësit.

“Ne mundohemi që, së bashku me shoqërinë civile që përfaqësojnë profesionistët shëndetësorë dhe pacientët, t’u ofrojmë informata aktorëve politikë, që t’i ndihmojmë dhe të dizajnojmë si duhet skemën e sigurimeve shëndetësore. Në kuadër të projektit, kemi studiuar preferencat e profesionistëve shëndetësorë për sistemin e pagesës”.

“Ajo pse e kemi bërë këtë, ndërlidhet me atë, se sa ndikon paga në punën e mjekëve. Ish-ministri Shëndetësisë, Ferid Agani, është munduar të mos lejojë që mjekët të punojnë edhe në sektorin publik, edhe në atë privat përmes ligjit. Por, kjo mendoj se do të mund të bëhet edhe përmes rregulloreve të brendshme, e që ne jemi duke punuar”, sqaron Hoxha.

Sidoqoftë, zyrtarë të Ministrisë së Financave kanë deklaruar se tashmë janë duke punuar një Ligj të veçantë për pagat, ligj i cili do të aplikohet për të gjithë të punësuarit që paguhen nga buxheti i Kosovës.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Si vendoset limiti për çmimin e naftës dhe sa do të gjobiten pompat që shesin më shtrenjtë?

Si vendoset limiti për çmimin e naftës dhe sa do të gjobiten pompat që shesin më shtrenjtë?

Sheholli: Çmimi i rrymës në veri do të jetë më i ulët se në pjesën tjetër të Kosovës

Sheholli: Çmimi i rrymës në veri do të jetë më i ulët se në pjesën tjetër të Kosovës

Nis seanca e Kuvendit, në rend dite edhe tërheqja e parave të Trustit

Nis seanca e Kuvendit, në rend dite edhe tërheqja e parave të Trustit

Çmimet e papërballueshme, Biden bën thirrje për heqjen taksës së karburanteve në SHBA

Çmimet e papërballueshme, Biden bën thirrje për heqjen taksës së karburanteve në SHBA

Konjufca: Tërheqja e mjeteve nga Trusti dëmton skemën pensionale

Konjufca: Tërheqja e mjeteve nga Trusti dëmton skemën pensionale

Krasniqi: Projektligji për konfiskimin e pasurisë rrezikon seriozisht të drejtat e njeriut

Krasniqi: Projektligji për konfiskimin e pasurisë rrezikon seriozisht të drejtat e njeriut

Marrëveshje e re për zbatim të marrëveshjes ekzistuese për energjinë

Marrëveshje e re për zbatim të marrëveshjes ekzistuese për energjinë

Kurti: Nuk e heqim akcizën për naftë, nuk ndihmohen qytetarët

Kurti: Nuk e heqim akcizën për naftë, nuk ndihmohen qytetarët

Kur do t’i marrin studentët 100 eurot e premtuara? Flasin nga Qeveria

Kur do t’i marrin studentët 100 eurot e premtuara? Flasin nga Qeveria

Miratohet projektligji që përjashton veteranët nga ngritja e pagës minimale

Miratohet projektligji që përjashton veteranët nga ngritja e pagës minimale

Krasniqi: Mospërfshirja e veteranëve të UÇK-së në pagën minimale është një turp, PDK s’merr pjesë në seancë

Krasniqi: Mospërfshirja e veteranëve të UÇK-së në pagën minimale është një turp, PDK s’merr pjesë në seancë

Rizvanolli për shkarkimin e bordeve të ndërmarrjeve: Mandati u ka skaduar, jemi në proces për emërimin e të rinjve

Rizvanolli për shkarkimin e bordeve të ndërmarrjeve: Mandati u ka skaduar, jemi në proces për emërimin e të rinjve

Hoti e pyet Muratin: Pse s’po e zgjeron listën e produkteve që mund t’iu reduktohet TVSH-ja, ta lejon Ligji

Hoti e pyet Muratin: Pse s’po e zgjeron listën e produkteve që mund t’iu reduktohet TVSH-ja, ta lejon Ligji

Ky është profili i kompanisë gjermane “LIDL” që u ftua të investojë në Kosovë

Ky është profili i kompanisë gjermane “LIDL” që u ftua të investojë në Kosovë

Cilat janë 10 tregjet më të mëdha të aksioneve në botë?

Cilat janë 10 tregjet më të mëdha të aksioneve në botë?

Ministrja Hajdari: Shtohen 10 milionë euro në rezervën shtetërore, në korrik do të ketë më shumë prodhim nga gruri

Ministrja Hajdari: Shtohen 10 milionë euro në rezervën shtetërore, në korrik do të ketë më shumë prodhim nga gruri