Në emisionin Info Magazine që po transmetohet në Klan Kosova për të diskutuar për të diskutuar për zhvillimet në skenën mediatike kosovare – përgjegjësitë e 48 operatorëve medialë, i ftuar i Kushtrim Sadikut është Adnan Merovci, Kryetar i Komisionit të Pavarur për Media.
Merovci çështjen e portaleve e quan “problem global”, sepse sipas tij teknika gjithmonë është para aspekteve ligjore, njofton Klan Kosova.
“Çështja e portaleve është një problem global. Kjo është si një rezultat i zhvillimit të teknologjisë informative dhe gjithherë teknologjia është një hap para me mbulueshmërinë ligjore”.
“Portalet edhe televizionet hyjnë këtu – IP TV, janë çështje që nuk kanë mbulueshmëri ligjore dhe është e vështirë që të disiplinohen. Ne do t’i fusim edhe portalet nën KPM”.
“Çështja është se portalet janë të shkruara janë edhe digjitale si dhe gjernerojnë edhe video. Nëse i marrin përmbajtjet pa marrëveshje është shkelje”.
“Portalet në botë regjistrohen dhe përgjigjen për të drejtat e autorit”.
Kryetari i KPM-së poashtu ka komentuar edhe çështjen e të drejtave të autorit dhe respektimin e tyre.
“Çështja e të drejtave të autorit është goxha një çështje e rëndësishme dhe tregon se sa funksionon një shtet me sundim të ligjit”.
“Në Kosovë nuk ndodh kështu, të drejtat e autorit nuk zbatohen”.
“Ne jemi të obliguar që ankesat e të drejtave të autorit t’i trajtojmë, por jo Ex Officio”.
“Ka disa operatorë që janë dënuar nga KPM-ja, por të drejtat e autorit kërkojnë një disiplinim të shumanshëm shoqëror”.
