Liderët politikë të Kosovës, ata nga PDK, LDK, Nismës për Kosovën, AAK-së e Vetëvendosjes, janë duke zhvilluar një takim me dyer të mbyllura me Ambasadorët e shteteve të Quintit.
Siç merr vesh Koha.net, takimi është duke u zhvilluar në një hotel në dalje të Prishtinës, ndërsa pjesëmarrës janë: zëvendëskryetari i Kuvendit, Xhavit Haliti, Kryeministri i Kosovës, Isa Mustafa, Ministri Arban Abrashi, liderët e Nismës për Kosovën, Jakup Krasniqi e Fatmir Limaj, kryetari i AAK-së Ramush Haradinaj, si dhe Visar Ymeri e Glauk Konjufca nga Vetëvendosje.
Ndërsa nga Ambasadorët e shteteve të Quintit janë ai i SHBA-ve, Greg Delawie, ambasadorët e Francës, Gjermanisë, të Britanisë së Madhe dhe të Italisë.
Ndonëse takimi po mbahet pa praninë e mediave, mësohet se temë e këtij takimi është siguria në vend dhe demarkacioni me Malin e Zi.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
