Zyrtarja amerikane, Victoria Nuland, në fund të kësaj jave do ta vizitojë Kosovën, ku do të bisedojë me përfaqësuesit e partive politike në vend për zgjidhjen e çështjes së demarkacionit me Malin e Zi dhe për disa tema të tjera.
Derisa pozita shpreson se zyrtarja e lartë amerikane do t’i ndihmojë në këtë drejtim, përfaqësuesit e opozitës thonë se nuk bëjnë kompromise me territor.
Ndihmësja e sekretarit amerikan për Evropë dhe Euro-Azi, Victoria Nuland, në fund të kësaj jave (10 korrik 2016) do ta vizitojë Kosovës, ku pritet të diskutojë me përfaqësuesit e pozitës dhe opozitës për zgjidhjen e çështjes së demarkacionit me Malin e Zi, njëri nga kriteret e Komisionit Evropian për liberalizimin e vizave.
Sipas burimeve të gazetës “Zëri”, Nuland përpos demarkacionit, do të kërkojë nga drejtuesit e institucioneve të vendit edhe luftimin e korrupsionit, vazhdimin e dialogut me Serbinë etj./Zëri
