Kandidatja e Alternativës për kryetare të Gjakovës, Mimoza Kusari-Lila, ka marrë më së shumti vota në zgjedhjet lokale, të mbajtura sot, sipas një ‘exit poll’-i, të realizuar nga instituti “Gani Bobi”.
Ndonëse ‘exit poll’i thotë se në Gjakovë do të ketë balotazh, Kusari-Lila nuk pret të ndodhë një gjë e tillë.
“Do të fitoj pa balotazh”, ka thënë ajo, plot optimizëm.
Gjakovarët, sipas sondazhit të realizuar me qytetarë pas votimit, do të zgjedhin në rrethin e dytë mes Kusari-Lilës dhe Ardian Gjinit të Aleancës për Ardhmërinë e Kosovës për kryetar të Komunës.
