Kryetari i Komunës së Shtërpcës do të paraqitet sot para Gjykatës Themelore në Ferizaj. Ai, akuzohet për shpërdorim të detyrës zyrtare.
Së bashku me Nikoliqin, në këtë rast akuzohet edhe zyrtari i prokurimit të kësaj Komune, Agim Rexhepi.
Nikoliqin e Rexhepin akuzohen se më datë 16 dhjetor në Shtërpcë, me qëllim të përfitimit të kundërligjshëm kanë lidhur aneks-kontratë në vlerë prej 346 mijë euro me operatorin ekonomik “Albes”, duke tejkaluar kështu 10 % e vlerës së kontratës bazë prej një milion e gjysmë euro për ndërtimin e tri ndërtesave në Shtërpce, me të cilin kanë dëmtuar buxhetin e Republikës së Kosovës, dhe kështu kanë kryer veprën penale në bashkë-kryerje, keqpërdorim i pozitës apo autoritetit zyrtar të sanksionuar me Kodin Penal të Republikës së Kosovës, transmeton KosovaPress.
Seanca gjyqësore për Nikoliqin dhe Rexhepin do të mbahet sot në ora 13:00 në sallën nr.II, në Gjykatën Themelore të Ferizajt.
