Në fund të emisionit “Debat Plus” në RTV Dukagjini, moderatori i emisionit Ermal Panduri iu drejtua gazetarit Lirim Mehmetaj duke i thënë se disa persona po i prisnin “te reforma”
Në kohën kur po zhvillohej emisioni i mbrëmjes, ku po merrnin pjesë edhe gazetari Lirim Mehmetaj dhe deputeti i PDK-së, Përparim Gruda, moderatori Panduri tha se po qarkullonin video të personave që po i prisnin jashtë.
“Na kanë dalë te reforma do. Po na qarkullojne video qe jane duke na prit te reforma”, ka thënë moderatori në fund të emisionit.
Lexo edhe
“Me ma diktu mu çka shkruaj s’ka shans, me u rrotullu tokë e qiell”: Mehmetaj flet për kërcënimet që mori pas postimit rreth deputetit Fatos Geci
Më vonë ai konfirmoi se “ka njerëz të familjes Geci që janë hyrje të emisionit Reforma.” Mehmetaj u përgjigj duke deklaruar se “kujt për atë punë nuk është kah i intereson.”
Ngjarja vjen vetëm disa orë pas një mospajtimi që u bë i ditur mes Gani Gecit dhe gazetarit Lirim Mehmetaj.
Mospajtimi dyshohet se nisur pas një postimi të gazetarit Mehmetaj për deputetin e Lëvizjes Vetëvendosje, Fatos Geci, i cili kishte bërë deklarata të rënda për ish-presidentin Hashim Thaçi dhe ish-krerët e UÇK-së.
