Shefi i Zyrës për Kosovë dhe Metohi në Qeverinë e Serbisë Marko Djuric ka thënë se nga e hëna të ndërmerren hapat e parë për implementimin e marrëveshjeve të arritura në Bruksel.
Ai në një konferencë për media ka thënë se do të dorëzohet kërkesa dhe dokumentacioni i plotë për krijimin e një kompanie telekomi e cila do të regjistrohet në Kosovë dhe që do të jetë në shërbim të serbëve të Kosovës.
Ai më pas ka thënë se do të fillojë që të hartohet stati i Asociacionit, për të cilin duhen 4 muaj.
Djuric sot në Beograd i ka takuar 10 kryetarët e komunave me shumicë serbe, deputetët serbë në Kuvendin e Kosovës dhe ata të Qeverisë së Kosovës dhe përfaqësuesit e Lista Srpska. Ndërkohë për t’i vizituar komunat me shumicë serbe të cilat do të jenë pjesë e Asociacionit do të vijë edhe Kryeministri i Serbisë Aleksandar Vucic, i cili ka paralajmëruar se këtë do ta bëjë gjatë shtatorit.
