Kryesuesi i radhës i OSBE-së, ministri polak i Punëve të Jashtme, Zbigniew Rau, pas takimit me liderë politikë, ka thënë se qëllimi i vizitës së tij në Kosovë ka qenë informimi i situatës në luftën kundër korrupsionit, lirisë së medieve dhe reformimin e sistemit elektoral.
“Kam ardhur në Prishtinë si pjesë e vizitës time. Kam pasur nderin të takohem me presidenten, Osmani, kryetarin e Kuvendit, Glauk Konjufca dhe kryeministrin Albin Kurti. Qëllimi i vizitës sime ka qenë të takohem me liderë institucionalë që të marr informata në luftën kundër korrupsionit, lirisë së mediave dhe reformimit të sistemit elektoral”, tha Rau.
Tutje, kryesuesi i OSBE-së tha se është I rëndësishëm stabiliteti në Evropën Juglindore, prandaj OSBE qshtë e gatshme ta ndihmojë Kosovën.
“Kemi diskutuar për fushat në të cilat OSBE mund ta ofrojë ndihmën e saj. OSBE vlerëson bashkëpunimin me autoritete lokale. Shpresoj që kjo do të kontribyojë në pajtimin në Evropën Juglindore, pasi që stabiliteti në këtë pjesë është I rëndësishëm për ne.”
