Kryetari i Listës Serbe, Aleksandër Jabllanoviq, ka thënë se disa deputetëve të Listës Serbe u janë dërguar kërcënime që të tërhiqen nga votimi për themelimin e Gjykatës Speciale.
Jabllanoviq, në një deklaratë për Radio Kontakt Plus të Mitrovicës, ka thënë se kërcënimet janë lajmëruar edhe në Policinë e Kosovës, ndërsa deputetët e Listës Serbe mbesin të palëkundur në qëndrimet e tyre për themelimin e Gjykatës, transmeton KP.
“Në 48 orët e fundit janë bërë disa thirrje kërcënuese disa deputetëve duke kërkuar që të mos e mbështesin formimin e Gjykatës Speciale për krimet e kryera nga UÇK-ja”, ka thënë Jabllanoviq.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
