Izraeli ka emëruar Ohad Nakash-Kiner ambasador të ri në Shqipëri, ndërsa nga Tirana ai do t’i mbulojë edhe Kosovën dhe Bosnjë-Hercegovinën, si ambasador jo rezident.
Qeveria e Izraelit e ka miratuar emërimin e Nakash-Kiner më 6 tetor 2026, në kuadër të një pakete emërimesh në shërbimin e jashtëm diplomatik.
Vendimi i Qeverisë izraelite bën të ditur se Ohad Nakash-Kiner emërohet ambasador jorezident në Kosovë, krahas detyrës së tij si ambasador i Izraelit në Shqipëri dhe ambasador jorezident në Bosnjë-Hercegovinë. Nakash-Kiner tashmë ka marrë detyrën në Shqipëri.
Më 6 nëntor 2026, ai ia dorëzoi letrat kredenciale presidentit shqiptar, Bajram Begaj, në Tiranë.Ndërkohë, diplomati izraelit ka vendosur edhe flamurin e Kosovës dhe atë të Bosnjës në profilin e tij në rrjetin social X.
Deri më tani, Izraeli përfaqësohej në Kosovë nga ambasadorja jorezidente Tamar Ziv, e cila këtë të hënë është pritur nga presidentja e Kosovës, Justina Shiroka-Pula.
Ziv po ashtu ka qenë ambasadore jo rezidente në Kosovë pasi Izraeli s’ka ende Ambasadë në Prishtinë..
Ajo ishte emëruar në fund të dhjetorit të vitit 2021 ndërsa disa muaj më vonë i kishte dorëzuar letrat kredenciale.
































