Haxhi Avdyli: Pagat e mësuesve në Kosovë, të njëjta si në disa shtete të BE’së

E publikuar: 14/09/2022 21:00
Rreshtat+- AShkronjat+- Printo

Deputeti i VV-së, që vjen nga radhët e Listës Guxo, Haxhi Avdyli është përfshirë në debatin për kërkesat e SBASHK-ut ndaj Qeverisë, mosrealizimi i të cilave ka shkaktuar grevë në arsim që 13 ditë.

Avdyli ka paraqitur një grafikon, që sipas tij dëshmon se Kosova sa i përket pagave të mësimdhënësve qëndron më mirë se disa vende që janë pjesë e BE-së.

“Arsimtarët Bullgar pagën vjetore e 6121€ (510 € në muaj) kurse ata Rumun 7274€ (606€ në muaj). Kosova edhe pse me buxhetin më të vogël në regjion e me GDP më të ulët, qëndrojmë në nivelin e vendeve të BE-së nga regjioni i Ballkanit”, shkroi ai.

“E me ligjin e ri të pagave do kemi arsimtarët më të paguar në regjion e pak më gjerë”, shkroi tutje ai.

Postimi i plotë i Avdylit:

Nga tabela me pagat vjetore të mësimdhënësve në Europë mund të shihni se Kosova qëndron më mir ose njëjtë me disa nga shtetet që ka shumë vite që janë pjesë e Bashkimit Europian.

Arsimtarët Bullgar pagën vjetore e 6121€ (510 € në muaj) kurse ata Rumun 7274€ (606€ në muaj).

Kosova edhe pse me buxhetin më të vogël në regjion e me GDP më të ulët, qëndrojmë në nivelin e vendeve të BE-së nga regjioni i Ballkanit.

E me ligjin e ri të pagave do kemi arsimtarët më të paguar në regjion e pak më gjerë.

Por prapë do mbetemi më të “nënpaguar” se vendet më të zhvilluara në botë si Zvicra e Luxemburgu.

WP2Social Auto Publish Powered By : XYZScripts.com