Kryetari i AAK-së, Ramush Haradinaj, as sot nuk ka harruar të urojë llapjanët në 21 vjetorin e çlirimit të qytetit të Podujevës.
Haradinaj përmes një postimi në Facebook, ndër të tjera ka shkruar se ‘përulemi me respektin më të madh për heronjtë, dëshmorët e martirët e rënë.
Postimi i plotë i Haradinajt:
Prangat e robërisë thyheshin çdo ditë. Njëzetenjë vite më parë, liria erdhi edhe për Podujevën.
Falënderim për luftëtarët trima të brigadave 151 “Zahir Pajaziti” e 152 “Shaban Shala”, të cilët qëndruan deri në përmbushjen e ëndrrës së përbashkët për çlirim.
Përulemi me respektin më të madh për Heronjtë, Dëshmorët e Martirët e rënë!
I falënderojmë përjetësisht miqtë e çmuar, Shtetet e Bashkuara të Amerikës dhe Aleancën Veriatlantike.
Podujevë, urime Dita e Çlirimit!