Kandidati i Serbisë për sekretar të përgjithshëm të Kombeve të Bashkuara, Vuk Jeremiq ndodhet në vendin e dytë pas numërimit të votave të rrethit të katërt në Këshillin e Sigurimit të OKB-së.
Mediat serbe shkruajnë se Jeremiq ka marrë 33 vota pozitive, 18 negative dhe nëntë neutrale, transmeton lajmi.net.
Në vendin e parë është portugezi, Antonio Guteresh, i cili ka 46 vota pozitive, shtatë negative dhe shtatë neutrale.
“Kjo renditje e Jeremiqit mund të vlerësohet shumë e suksesshme, që nuk ishte e pritshme, duke pas parasysh që ai vjen nga një shtet që nuk ka ndikim dhe se vonë është përfshirë në fushatë”, kanë thënë burime brenda OKB-së.
Këto burime thonë se Jeremiq, përveç Gutereshit, i vetmi kandidat i cili ka pasur shumë lëvizje gjatë raundeve të votimit.
