Agjentë të shërbimit sekret rus që janë të vendosur në Bosnje e Hercegovinë dhe Serbi, kanë kryer një aksion në Kaçanik, ku kanë arrestuar xhihadistin e njohur Lavdrim Muhaxheri. Ky informacion bombë është transmetuar në emisionin “Le Iene” nga një gazetar italian, i cili ka qëndruar në Kaçanik.
Sipas tij, Muhaxheri është arrestuar për shkak se ka qenë i involvuar në rrëzimin e aeroplanit rus në Egjipt, ku humbën jetën 224 udhëtarë, transmeton LajmPress.
LEXO PO ASHTU: Në shtëpinë e terroristit kaçanikas, Lavdërim Muhaxheri (Video)
Zyrtarët kosovarë e kanë demantuar këtë informacion, mirëpo gazetari në fjalë insiston se informacionin ia ka konfirmuar një banor i Kaçanikut, po ashtu pjesëtarë i ISIS-it. Ai ka thënë se Muhaxheri ka qenë i plagosur. Në momentin kur gjoja është realizuar aksioni, janë dëgjuar vetëm disa të shtëna dhe pak zhurmë, por asgjë tjetër. Në emision thuhet se pas këtij rasti Agjencia kosovare e inteligjencës ka mbajtur një takim, por për këtë nuk e ka njoftuar opinionin.
