Deputetja e PDK’së, Flora Brovina nuk e ka ndryshuar qëndrimin për Gjykatën Speciale dhe është kundër themelimit të saj nga Kuvendi i Kosovës.
Në një prononcim për Express, Brovina ka thënë se nesër nuk do të votojë pro themelimit të Gjykatës Speciale.
“Do të abstenoj ose do të jem kundër”, ka thënë Flora Brovina, për Gazetën Express.
Por, pse s’ka ndryshuar qëndrimin ndaj kësaj Gjykate pavarësisht thirrjeve të Liderit të PDK’së?
Ish-e burgosura politike jep shpjegimet.
“Kjo Gjykatë është e tepërt sepse ka qenë Haga, UNMIK’u dhe EULEX’i. Me themelimin e kësaj Gjykate neve po na vihet një barrë sikur luftërat në ish-Jugosllavi i kemi bërë ne”, ka shpjeguar ajo.
Sipas saj, kriminelët duhet të dënohen kudo që ndodhen ata, por s’e ka thënë se s’duhet të themelohen gjykata njëetnike.
Veç Brovinës, qëndrim kundër Gjykatës Speciale kanë edhe të paktën tre deputetë të PDK’së, Ganimete Musliu, Nait Hasani e Fadil Demaku.
Deputetët tjerë që kishin votuar kundër kanë vendosur të heshtin para seancës së nesërme kur pritet të votohet Gjykata Speciale.
Xhevahire Izmaku, Fadil Beka e Rafet Rama s’kanë dashur të flasin. Njësoj kanë vepruar edhe deputetët tjerë të PDK’së të cilët kishin abstenuar si Bekim Haxhiu, Blerta Deliu-Kodra, Nuredin Lushtaku e Salihe Mustafa.
Vetëm Raif Qela, i cili është deputet në listën e PDK’së nga Lëvizja për Bashkim, ka thënë se ka mundësi të votojë pro themelimit të Gjykatës Speciale.
Se pse po themelohet kjo Gjykatë mund të lexoni duke klikuar këtu.
“Do të abstenoj ose do të jem kundër”, ka thënë Flora Brovina, për Gazetën Express.
