Termocentrali Kosova e Re është shumë pranë dështimit.
Kështu i kanë thënë Gazetës Blic burime ndërkombëtare. Sipas këtyre burimeve, kjo po ndodh për faktin se kompania fituese e shpallur nga Komiteti Ndërministror për Kosovën e re, Contour Global, me seli në Shtetet e Bashkuara të Amerikës ka paralajmëruar se do të tërhiqet, për faktin se nuk ka pajtueshmëri për disa detaje të kontratës.
“Ndërtimi i Termocentralit Kosova e Re është shumë pranë dështimit. Kompania fituese ka paralajmëruar se do të tërhiqet për shkak se nuk ka pajtueshmëri për disa detaje të kontratës”, i ka thënë Gazetës Blic këto burim.
Para disa muajsh, Ministri i Zhvillimit Ekonomik, Blerand Stavileci, i cili udhëheq Komitetin Ndërministror për Kosovën e Re, kishte thënë se janë bërë përparime të dukshme në realizimin e këtij projekti.
Ndërtimi i këtij projekti po dështon tash e një dekadë.
Fillimisht ishte qeveria LDK- AAK ajo e cila kishte nisur realizimin e këtij Projekti, që njihej si Kosova C, mirëpo me të ardhur në pushtet Hashim Thaçi e kishte ndërprerë këtë proces. Ai ia ndryshoi emrin këtij projekti, duke e emërtuar Kosova e Re, por që më shumë se shtatë vjet nuk po arrin që ta realizoj ndërtimin e Kosovës së re. po dështon që të nis.
Më saktësisht, vendimi për ndërtimin e këtij projekti ishte marrë në vitin 2006, menjëherë pas formimit të Ministrisë së atëhershme të Energjisë dhe Minierave. Si projekt është zvarritur nga viti në vit, dhe si i tillë kishte pësuar shumë ndryshime.
Në radhë të parë termocentrali kishte 2,100 megavat, pastaj projekti riemërohet nga Termocentrali “Kosova C” në “Kosova e Re”, ku prapë ulet kapaciteti prodhues në 1,000 megavat.
Ndërsa, ndryshimi i tretë bëhet kur shpallet tenderi për ndërtimin e termocentralit me 600 megavat, pastaj nga pakoja tenderuese hiqet ndërtimi i Termocentralit “Kosova B”.
Ndryshe, Termocentrali “Kosova e Re” llogaritet të jetë një ndër projektet më të mëdha në Kosovë. ?Gazeta Blic
