Nënkryetari i Lëvizjes Vetëvendosje, Driton Çaushi i është kundërpërgjigjur deputetit të VV-së, Ilir Deda, i cili e kritikoi aksionin e aktivistëve të partisë ku bënë pjesë edhe ai, për rrënimin e mburojave të vendosura nga Qeveria.
Çaushi në një shënim në Facebook ka deklaruar se Deputeti Ilir Deda, me deklaratat e sotme, nuk e përfaqëson mendimin e organizatës tonë dhe as të Grupit Parlamentar të Lëvizjes VETËVENDOSJE!.
Lexojeni të plotë shënimin e tij:
Një shtet demokratik nuk vendos barriera në mes institucioneve dhe qytetarëve. Një pushtetar i përgjegjshëm nuk mbrohet me grila shtesë, por mban përgjegjësi për veprimet e veta. Prandaj, heqja e grilave nga aktivistët e VETËVENDOSJE!-s ishte veprim i drejtë, përmes të cilit treguam simbolikisht që kur institucionet tentojnë të izolohen nga qytetarët, atëherë ato pushojnë se qeni institucione të këtyre qytetarëve.
Deputeti Ilir Deda, me deklaratat e sotme, nuk e përfaqëson mendimin e organizatës tonë dhe as të Grupit Parlamentar të Lëvizjes VETËVENDOSJE!.
