Dymijë e 257 kilometra katrorë përfshijnë vendbanimet të cilat do të bashkohen në Asociacionin e Komunave me shumica serbe, raporton KTV.
Janë gjithsej 10 komuna që tani kanë shumicë serbe e që pritet të bëhen bashkë në Asociacion. Pos katër komunave të veriut, Mitrovicës Veriore, Leposaviqit, Zveçanit e Zubin Potokut, në Asociacion pritet të përfshihen edhe Graçanica, Shtërpca, Parteshi, Kllokoti, Ranillugu e Novobërda.
Kryetari i Graçanicës, Valdeta Kostiq, tashmë e ka përshëndetur krijimin e Asociacionit dhe e ka vlerësuar si shumë të mirë për serbët marrëveshjen e Brukselit. Kostiq thënë se tash e tutje do ta kenë përkrahjen institucionale nga Bashkësia e Komunave serbe, transmeton Koha.net.
Në Graçanicë, komuna me shumicë serbe më e afërta nga Prishtina, kanë mendime të ndryshme për Asociacionin. E shohin si të mirë për politikanët, por jo konkretisht që u rregullon jetën apo zbut varfërinë e papunësinë.
Duke tentuar t’i justifikojë kompetencat e Asociacionit, kryeministri ua çau hallin serbëve se ata duhet të kenë arsim dhe shërbime shëndetësore ashtu siç i duan.https://vimeo.com/137507745
