Dashuria i ‘mek’ humorin Bes Kallakut

E publikuar: 09/04/2016 19:51
Rreshtat+- AShkronjat+- Printo

Jemi mësuar që ta shikojmë gjithnjë me nota të theksuara humori, madje edhe atëherë kur situatat janë të ndërlikuara, batuatat e tij krijojnë atmosferë. Bëhet fjalë për Bes Kallakun, katunarin më të famshëm në Shqipëri.

Që nga koha kur u shfaq si një minator fatkeq, i paushqyer dhe me një dialekt për t’u dëshifruar, vit pas viti, rol pas roli, Bes Kallaku e ka bërë publikun vetëm për të qeshur. Madje edhe në statuset që ai i hedh në rrjetët sociale gjithnjë përdor nota të theksuara humori.

Por duket se edhe ai është tokësor si të gjithë. E ka edhe ai një pikë të dobët. Nuk është ‘Ija’, por Xhensila. Këngëtarja e bukurshe që prej disa vitesh është çiftuar me yllin e Portokallisë. Në ditën e lindjes së saj, Bes Kallaku ka bërë një dedikim krejt ndryshe nga të gjitha herët e tjera, duke i shprehur dashurinë me një dedikim special shumë serioz, në profilin e tij në facebook.

“Sot, i uroj ditelindjen asaj qe me bukurine qe ka, per kaq vite e ka bere jeten time me te bukur, dhe me dashurine e saj, mua, njeri me te mire. Nuk mjaftojn as fjalet as vitet me te tregu sa t’du. Zoti te bekofte zemra ime. (Jemi edhe serioze kur duhet er ejjj…)- shkruan bes Kallaku në statusin e tij.