Kryetarja e Komisionit Qendror Zgjedhor, Valdete Daka ka bërë me dije se tashmë i gjithë materiali zgjedhor është mbledhur nga të gjitha komunat. Ajo ka thënë se do të nisë numërimi i votave me kusht, me postë dhe numërimi i votave të personave me nevoja të veçanta.
Daka është shprehur se primare për KQZ-në është që sa më shpejtë të dalin me rezultate.
“Puna e KQZ-së është që sa më shpejtë të bëjë publikimin e rezultateve zgjedhore. Është pranuar materiali nga të githa komunat dhe së shpejti do të nisim numërimin e votave me kusht, personave me nevoja të veçanta dhe votimi me postë. KQZ do të ofrojë transparencë dhe së shpejti do të fillojë me publikimin e formularëve përfundimtarë për të gjithë kandidatët, si për komuna, edhe ata për kuvend komunal. Kjo i shton vlerën dhe besueshmërinë procesit”, ka thënë ajo, përcjellë Indeksonline.
Tutje, Daka ka bërë me dije se që nesër do të nisin përgatitjet për raundin e dytë./Indeksonline/
