Këngëtari i mirënjohur kosovar, Mehdin Përgjegjaj-Meda ishte i ftuar këtë javë në emisionin ‘’1 Kafe me Labin’’, i cili transmetohet çdo të dielë nga ora 12:00, në RTV21.
Meda gjatë emisionit i është përgjigjur pyetjeve të moderatorit të këtij emisioni, Labinot Gashi-Labit.
Në pyetjen se cili ka qenë bakshishi më i madh të cilin e ke marrë? Meda është përgjigjur se bakshishin më të madh që e ka marrë ndonjëherë ka qenë në Australi. Por, shumën e këtij bakshishi ai nuk ka dashur ta bëjë të ditur duke shtuar se ai gjithnjë bakshishet i ndanë me të tjerët.
Përveç kësaj, në mesin e shumë pyetjeve në të cilat është përgjigjur Meda, ka qenë edhe përzgjedhja e kryetarit dhe kryetares së estradës. Në këtë pyetje Meda ka thënë se për seriozisht si kryetare të estradës e zgjedhë Shkurte Fejzën, ndërsa për kryetar, të madhin siç e ka quajtur ai, Sabri Fejzullahun.
Ndërkaq, për hajgare si kryetar të estradës Meda ka thënë se e kishte zgjdhur veten, ndërsa për kryetare ndonjë këngëtare që është më e bukur.
Ndërkohë, rikujtojmë që Meda është këngëtar shumë i dashur për publikun, i cili sa herë që lanson një këngë, padyshim që bëhet hit.
