Detaje të reja janë bërë të njohura sa u përket marrëveshjeve më Serbinë. Të gjitha marrëveshjet e arritura mes Kosovës e Serbisë i ka publikuar Qeveria e kësaj të fundit në uebfaqen e saj, raporton KTV.
Këtë nuk e ka bërë Qeveria e Kosovës, e cila në vend të publikimit të teksteve të plota të marrëveshjeve të nënshkruara, të enjten u ka dërguar një letër medieve me të mirat që kanë secila marrëveshje veç e veç.
Nënshkrimin në këtë letër me të mirat e marrëveshjes e mban Edita Tahiri. Por, Austria, që autoritetet e Kosovës kishin thënë se i ka shkruar ITU-së në emër të Kosovës, në fakt këtë e ka bërë në emër të SERBISË dhe KOSOVËS.
Në të gjitha anekset teknike në ITU, Kosovës do t’i referohet me fusnotë.
Edita Tahiri, si udhëheqëse e dialogut teknik, e kishte nënshkruar marrëveshjen për fusnotë, duke thënë atë kohë se ‘ajo nuk është asgjë dhe fusnota do të shkrihet si fjollë bore’.
Në asnjë marrëveshje të nënshkruar ndërmjet Prishtinës e Beogradit, Kosovës nuk i referohet si REPUBLIKË, por vetëm Kosovë.
