Ambasadori britanik, Jonathan Hargreaves, pas takimit që pati me kryetarin e Prishtinës, Përparim Rama, tha se me të foli për Lojërat Mesdhetare e “planet ambicioze” për kryeqytetin.
Hargreaves përmendi edhe mundësitë që mund të krijohen për investitorët britanikë.
“Prishtina është një qytet në lëvizje. Ishte kënaqësi të takohem me kryetarin e Prishtinës, Përparim Rama, për të diskutuar rreth Lojërave Mesdhetare, planeve ambicioze të Prishtinës për investime dhe zhvillim të ri, si dhe mundësive që këto mund të krijojnë për bizneset dhe investitorët britanikë”.
Ndërkaq, Rama më herët kishte shkruar se ata kanë diskutuar 19 projektet strategjike, nga infrastruktura e transporti publik, te sporti, shëndetësia dhe zhvillimi urban.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
