Kryetari i Prishtinës, Shpend Ahmeti është shprehur se koalicioni “Sami-Lirak” është duke vazhduar të përdorë metoda në mënyrë që të bllokojë punën e urbanizmit për shkak të interesave të tyre, njofton Klan Kosova.
Ahmeti e tha këtë në një konferencë për media pasi asnjë nga pikat e rendit të ditës në mbledhjen e Kuvendit Komunal të Prishtinës nuk kanë kaluar pas bllokimit që i’u bë nga partitë opozitare.
I pari i Prishtinës gjithashtu është shprehur se në këtë rast ky bllokim është vetëm në dëm të qytetarëve dhe projekteve kapitale për të mirën e tyre.
Ai gjithashtu deklaroi se në rast se opozita vendos që ta bllokojë buxhetin atëherë duhet të shkohet në zgjedhje për Kuvend Komunal.
Në ndërkohë seanca e Kuvendit Komunal është duke vazhduar akoma.
