Kandidati i AAK’së për Deputet, Ahmet Isufi ka thënë se personat me nevoja të veçanta kanë nevojë për më shumë kushte dhe përkushtim.
Këtë, ai e ka shfrytëzuar rastin ta thotë derisa ka njoftuar për një vizitë të tij në ‘Handikos’.
“Së bashku me Besnik Tahiri, Ilirjana Gafurri dhe Xhevrie Peci vizituam shoqatën HANDIKOS ku u njohëm me vështirësitë që ata hasin në ushtrimin e veprimtarisë së tyre”, ka njoftuar Isufi.
“Me këtë rast, ne i siguruam se do të angazhohemi të krijojmë kushte të nevojshme duke ofruar qasje serioze dhe punë e përkushtim për kategori të përjashtuara të shoqërisë”, thotë kandidati për deputet në listën zgjedhore të koalicionit PDK-AAK-NISMA.
“Kosova do të jetë vend i drejtësisë dhe barazisë sociale, si mundësi për rrugëtim drejt zhvillimit dhe prosperitetit”, shkruan Ahmet Isufi.
